හලාල් කවුන්සිලය, ජාතික තත්ත්ව සම්මානයට පාත්‍ර වේ
ශ්‍රී ලාංකීය මුස්ලීම් ප්‍රජාවට එරෙහිව ජාතිවාදී කුමන්ත්‍රණ රජ කල අඳුරු යුගයක් මීට කලකට ඉහත මේ රට තුල පැවතුණි. එදා එම ගෝත්‍රවාදී කුමන්ත්‍රණකරුවන් පටු න්‍යායපත්‍රය තුල ශ්‍රී ලාංකීය මුස්ලීම් ප්‍රජාවට එරෙහිව කටයුතු කල අතර ඹවුන්ගේ න්‍යායපත්‍රය තුල තිබූ ප්‍රධාන චෝදනාවන් අතර එකක් වූයේ “හලාල් සහතික“ යන්නයි. “මුසාව හා මුලාව මූලික පදනම“ කරගෙන ක්‍රියාත්මක වූ එම ජාතිවාදී ව්‍යාපාරයන්ට එරෙහිව එදා යහමග අඩවිය පවා “හලාල්“ අර්බුදයේ සැබෑ ස්වරූපය පිලිබදව ශ්‍රී ලාංකීය සමාජයට කිසියම් අවබෝධයක් ලබාදීම පිණිස සැලකිය යුතු මෙහෙවරක් ඉටු කරන ලදිි. එම මෙහෙවර තුල යහමග අඩවිය ඉදිරිපත් කල ලිපි කිහිපයක් මෙහි පහතින් ඔබේ අවදානයට ගෙන එන්නේ නම්,
එදා රටම භීතියට පත් කරමින් සහ මුස්ලීම් සහ සහෝදර ජාතීන් අතර විරසකයක් නිර්මාණය කරමින් “වතුර වීදුරුව තුල කිඹූලන් පෙන්වූ“ වඳ කොත්තු, වඳ සැත්කම් සේම තවත් මාතෘකාවක් වූ “හලාල් සහතික“ ද අද පුස් වෙඩිල්ලක් පමණක් වී ඇත. නමුත් එම ගෝත්‍රවාදී ව්‍යාපාරයන් තුල රට ට සහ සමාජය ට සිදුවූ හානිය තවත් දශක කිහිපයක් යනතුරු නිවැරදි කල නොහැකි තරම් වූ එකක් බව ශ්‍රී ලාංකීය ප්‍රජාව දැන්වත් තේරුම් ගතයුතුව ඇත.
එම කාරණය ඔබේ බුද්ධිමත් විමසුමට තබමින් ඉහතින් සදහන් ගෝත්‍රීය මානසිකත්වයෙන් පෙළුනු ජාතිවාදීන්ට තවත් කණේ පහරක් ලබාදෙන ආකාරයේ ලිපියක් මෙහි ඔබේ අවදානය පිණිස “ලංකාදීප වෙබ් අඩවියෙන්“ උපුටාගෙන මෙහි පහතින් ඉදිරිපත් කරන්නට අදහස් කරමි. ඒ වත්මන් “හලාල් කවුන්සිලය“ තම සමාජ සත්කාර මෙහෙවර වෙනුවෙන් සම්මානයට පාත්‍ර වූ පුවතයි. එය මෙසේය...
උපුටා ගැනීම ආරම්භය
හලාල් කවුන්සිලය, ජාතික තත්ත්ව සම්මාන උළෙලේදී සම්මානයට පාත්‍ර වේ
ශ්‍රී ලංකා ප්‍රමිති ආයතනය (SLSI) විසින් සංවිධානය කරන ලද, ශ්‍රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්‍රතීතන කවුන්සිලය (HAC) සම්මානයට පාත්‍ර විය.
වමේ සිට දකුණ දක්වා - SLS පද්ධති සහතික කිරීමේ අධ්‍යක්ෂ එස්.යූ. නාරංගොඩ මහත්මිය , HAC හි අධ්‍යක්ෂ සහ ප්‍රධාන විධායක නිලධාරී ආකිෆ් ඒ. වහබ් මහතා , SLSI හි සභාපති ආචාර්ය අසංග රණසිංහ මහතා, HAC හි ආරම්භක සාමාජික ෆසාල් ඉසදීන් මහතා, HAC හි කළමනාකාර අධ්‍යක්ෂ රිස්වි සහීඩ් මහතා, රාජ්‍ය අමාත්‍ය තොරතුරු හා තාක්ෂණය ගරු කනක හේරත් මහතා, SLSI හි අධ්‍යක්ෂ , ජෙනරාල් ආචාර්ය සිද්ධිකා ජී සේනාරත්න මහත්මිය, අධ්‍යක්ෂ තත්ත්ව සහතික ජී.එම්.බී.ඩී. නීලකාන්ති මහත්මිය.
ශ්‍රී ලංකා ජාතික තත්ත්ව සම්මාන (SLNQA) වැඩසටහන, ඇමරිකා එක්සත් ජනපදයේ Malcolm Baldrige ජාතික තත්ත්ව සම්මාන වැඩසටහනෙහි නිර්ණායක මැනවින් අනුගමනය කරන අතර ජාත්‍යන්තර මට්ටමේ තත්ත්ව කළමනාකරණ විශිෂ්ටත්වයකට හිමිකම් කියයි. HAC විසින් ලද මෙම ඇගයීම තුළින්, මෙහෙයුම් වලදී තත්ත්ව ප්‍රමිතීන් දැඩි ලෙස ආරක්ෂා කරගැනීමට ඔවුන් තුළ වූ කැපවීම මනාව විදහා දැක්වේ.
තවද ශ්‍රී ලාංකේය ආහාර පාන නිෂ්පාදකයින් 240කට අධික සංඛ්‍යාවක් හලාල් සහතිකයට හිමිකම් කියන අතර ඔවුන් 2022 වසරේදී, ඇමෙරිකානු ඩොලර් බිලියන 1.7ක අපනයන ආදායමකට හිමිකම් කියනු ඇතැයි විශ්වාස කෙරේ. නිෂ්පාදනවල ගුණත්වය හලාල් ප්‍රමිතීන්ට අනුකූල බව විධිමත් ලෙස සහතික කෙරෙන බැවින් පාරිභෝගිකයින් තුල වූ විශ්වාසය රැකගැනීමට HAC සමත්වී තිබේ.
වර්තමානයේදී ආහාර නිෂ්පාදනවල විනිවිදභාවය සඳහා වූ පාරිභෝගික ඉල්ලුම දිනෙන් දින වැඩි වන බවක් දක්නට ලැබේ. මේ හේතුවෙන් හලාල් සහතිකය ලත් ආහාර පාන, මිය ගිය සතුන්ගෙන් ලබාගත් අමුද්‍රව්‍ය, මිනිස් සිරුරු කොටස්, කෘමීන්, අන්තරායකර විෂ සහ විෂ සහිත ද්‍රව්‍ය, රුධිරය, ඌරන් සහ මධ්‍යසාර වලින් ලබාගත් අමුද්‍රව්‍ය සහ සැකසුම් වලින් තොර බව පාරිභෝගිකයින්ට සහතික කරයි.
ISO 9001 තත්ත්ව සහතිකය හිමිකරගැනීම සඳහා HAC විසින් ගල්ෆ් සහයෝගිතා කවුන්සිලයේ (GCC) ප්‍රතීතන මධ්‍යස්ථානයෙන් ISO 17065 සහ GSO 2055 ප්‍රමිතීන්ට අනුකූල බවට වූ සහතිකය ලබාගැනීමට කටයුතු කරඇත. එමනිසා HAC හට ඉතා කාර්යක්ෂම සේවාවක් සැපයීමට හැකිවන අතර හලාල් ප්‍රමිතියට අනුකූල වන සේවාදායකයින්ට හලාල් සහතිකය කඩිනමින් ලබා ගැනීමට ඉඩ සලසයි.
"ශ්‍රී ලංකා ජාතික තත්ත්ව සම්මාන උළෙලේදී HAC ඇගයීමට ලක්වීම තුළින් විශිෂ්ටත්වය සහ තත්ත්ව කළමනාකරණයේ ඉහළම ප්‍රමිතීන් ආරක්ෂා කිරීමට අපගේ කැපවීම යළිත් තහවුරු වෙනවා. ශ්‍රී ලංකාවේ ආර්ථික වර්ධනය සඳහා උත්ප්‍රේරකයක් ලෙස සේවය කරමින්, දේශීය හා විදේශීය පාරිභෝගිකයන්ගේ අවශ්‍යතා සපුරාලීම සඳහා දේශීය ආහාර පාන කර්මාන්තයට සහාය වීමට HAC නිරන්තරයෙන් කැපවී සිටිනවා” යැයි හලාල් ප්‍රතීතන කවුන්සිලයේ අධ්‍යක්ෂ සහ ප්‍රධාන විධායක නිලධාරී Aakif A Wahab මහතා පවසන ලදී.
HAC හි නියෝජිත කණ්ඩායම වමේ සිට දකුණ දක්වා HAC හි අධ්‍යක්ෂ සහ ප්‍රධාන විධායක නිලධාරී ආකිෆ් ඒ. වහබ් මහතා, HAC හි ආරම්භක සමාජික ජනාධිපති නීතිඥ එම්. මොහොමඩ් සුහයිර් මහතා, HAC හි ආරම්භක සමාජික ෆසාල් ඉසදීන් මහතා, අධ්‍යක්ෂ අනස් ජුනයිඩ් මහතා, අධ්‍යක්ෂ එම්. යූ. එම් හුසේන් මහතා, කළමනාකාර අධ්‍යක්ෂ රිස්වි සහීඩ් මහතා, ගුණත්ව පාලක ප්‍රධානී මොහමඩ් නෆාස් මහතා, අධ්‍යක්ෂ සහරා අන්සාරි මහත්මිය , සභා සමාජික ෆර්මන් නිසාර් මහතා, ජ්‍යෙෂ්ඨ විධායක පාරිභෝගික සේවා සකීර් රිස්වි මහතා.
https://www.lankadeepa.lk/you_may_also_like/%E0%B7%84%E0%B6%BD%E0%B7%8F%E0%B6%BD%E0%B7%8A-%E0%B6%9A%E0%B7%80%E0%B7%94%E0%B6%B1%E0%B7%8A%E0%B7%83%E0%B7%92%E0%B6%BD%E0%B6%BA--%E0%B6%A2%E0%B7%8F%E0%B6%AD%E0%B7%92%E0%B6%9A-%E0%B6%AD%E0%B6%AD%E0%B7%8A%E0%B6%AD%E0%B7%8A%E0%B7%80-%E0%B7%83%E0%B6%B8%E0%B7%8A%E0%B6%B8%E0%B7%8F%E0%B6%B1-%E0%B6%8B%E0%B7%85%E0%B7%99%E0%B6%BD%E0%B7%9A%E0%B6%AF%E0%B7%93-%E0%B7%83%E0%B6%B8%E0%B7%8A%E0%B6%B8%E0%B7%8F%E0%B6%B1%E0%B6%BA%E0%B6%A7-%E0%B6%B4%E0%B7%8F%E0%B6%AD%E0%B7%8A%E2%80%8D%E0%B6%BB-%E0%B7%80%E0%B7%9A/197-647942
උපුටා ගැනීම අවසානයි
සබැඳි ලිපි මෙහි පහතින් කියවන්න
