අල්කුර්ආනීය උපමාවන්
අල්කුර්ආනය මනුෂ්‍ය වර්ගයා සඳහා මාර්ගෝපදේශක ග්‍රන්ථයකි. අල්ලාහ් (දෙවි) විසින් නියම කරන ලද බොහෝ වාක්‍යයන් “ආවර්ජනය කරන්න", "අපගේ මඟපෙන්වීම පිලිපදින්න” සහ “අහස හා පොළොව මැවීම ගැන සිතන්න” යනුවෙන් මිනිසුන් දිරිගන්වයි. මෙය අල්ලාහ් (දෙවි) සහ ඔහුගේ මැවීම පිළිබඳ මානව බුද්ධිමය, දාර්ශනික සහ අධ්‍යාත්මික ආවර්ජනය දිරිමත් කිරීමකි. මෙසේ දිරිගන්වන අල්කුර්ආනය තම පණිවුඩය ඵලදායී අයුරින් සමාජයට ඒතුගැන්වීම පිණිස විවිධ වූ උපක්‍රම ද එහි භාවිතා කරයි. ඒ අතුරින් සාහිත්‍යමය, ගණිතමය, විද්‍යාත්මකමය, ඉතිහාසමය හා මනෝවිද්‍යාත්මකමය ක්‍රම මෙහි සදහන් කල හැකි වේ. මෙවැනි උපක්‍රම අතර සුවිශේෂි උපක්‍රමය වන්නේ උපමා භාවිතා කරමින් කරන ඉදිරිපත් කිරීමයි. අද මෙම (යහමග අඩවිය) ලිපිය තුලින් කථා කිරීමට යන්නේ අල්කුර්ආනය මිනිස් සමාජයේ බුද්ධිමත් විමසුමට ඉදිරිපත් කරන එවැනි උපමාවන් පිලිබදවයි.
අල්කුර්ආනය ඉදිරිපත් කරන එම “උපමාවන්” වෙත අවදානය යොමු කිරීමට පෙර මෙවැනි උපමාවන් අල්කුර්ආනය ඉදිරිපත් කිරීමේ අරමුණ කුමක්ද? යන්න අල්කුර්ආනයේ ඉගෙන්වීමන් තුලින් විමසා බැලුවේ නම්,
ඇත්ත වශයෙන්ම, මිනිසුන්ට මෙම අල්කුර්ආනය සිතීමට සහ අවධානය යොමු කිරීමට පහසුව පිණිස උපමා සහ උදාහරණ මගින් අපි සෑම සාක්ෂියක්ම සහ පාඩමක් ඉදිරිපත් කර ඇත්තෙමු.
අල්කුර්ආනය 39:27
දෙවියන් වහන්සේ මිනිසුන් සඳහා උපමා ඉදිරිපත් කරයි, ඔවුන් ඒවා මෙනෙහි කිරීමට සහ අවශ්‍ය පාඩම් අනුමාන කිරීමට.
අල්කුර්ආනය 14:25
"...සැබවින්ම අපි මනුෂ්‍ය වර්ගයා වෙනුවෙන් මෙම අල් කුර්ආනයෙහි සෑම ආකාරයකම උපමාවක් දක්වා ඇත්තෙමු..."
අල්කුර්ආනය 30:58
උපමාවක් යනු සත්‍යයක් හෝ සදාචාරාත්මක පාඩමක් වඩාත් හොදින් අවදාරනය කිරීම පිණිස නිර්මාණය කර ඇති කල්පිතයක් හෝ සත්‍ය සිදුවීමක් පදනම් කරගත් ප්‍රකාශයකි. මනුෂ්‍ය වර්ගයාට කරුණු පැහැදිලි කිරීමේදී එහි වඩාත් පැහැදිලි බවක් සහ ගැඹුරු අර්ථයක් ලබා දීමට අල්ලාහ් (දෙවි) අල්කුර්ආනයේ උපමාවන් භාවිතා කරයි. එමඟින් අපගේ දැනුම වැඩි කර ගැනීමටත් සත්‍යය මුළු හදවතින්ම වැළඳ ගැනීමටත් එය උපකාර වේ. මීට අමතරව අල්කුර්ආනයේ වාග් අලංකාරය සහ දිව්‍යමය අගය මෙම උපමා මඟින් ඉහල නංවයි. මෙවන් වූ උපමා රාශියක් අල්කුර්ආනයේ දක්නට ලැබෙන අතර මෙහි පහතින් ඒ එකින් එක පෙලගැසීමට අදහස්ස කරමි.
උපමා පෙලගැස්ම...
උපමාව ගින්නක් දැල් වූ කෙනකු මෙනි
ඔවුනට උපමාව ගින්නක් දැල් වූ කෙනකු මෙනි. එවිට ඔහු අවට දස අතම ආලෝකමත් වූ විට අල්ලාහ් ඔවුන්ගේ ආලෝකය (සංඥානය) ඉවතට ගත්තේය. කිසිවක් නොදැකිය හැකි ලෙසින් ඔවුන් ඝනාන්ධකාරයන්හිම අත්හැරියේය.
අල්කුර්ආනය 2-17
උපමාව ඝනාන්ධකාරයන්, හෙණහඬ හා විදුලි කෙටීම සහිතව අහසින් වැටෙන වර්ෂාව වැනිය
එසේ නැතිනම් (ඔවුන්ගේ තත්ත්වයට තවත් උපමාවක් නම්) ඝනාන්ධකාරයන්, හෙණහඬ හා විදුලි කෙටීම සහිතව අහසින් වැටෙන වර්ෂාව වැනිය.හෙණ හඬ ඇසෙන විට ඔවුහු මරණ භයින් ත්‍රස්තව තම ඇඟිලි තමන්ගේ කන්හි අගුලූලා ගනිති. අල්ලාහ් ප්‍රතික්ෂේප කරන්නන්ව දසතින්ම වටකර ගනි.
අල්කුර්ආනය 2-19
උපමාව එඬේරා හඬ ගසද්දී කෑකෝ ගැසීම් මිස, කිසිවක් නොඇසෙන ගවරැළකට සමානය.
(අල්ලාහ්ගේ මාර්ගය) ප්‍රතික්ෂේප කළ අයගේ (මානසික තත්ත්වයට) උපමාවක් නම් (එඬේරා තමන්ට හඬ ගසද්දීත්) කෑකෝ ගැසීම් මිස, කිසිවක් නොඇසෙන ගවරැළකට සමානය. (ඔවුහු) අඳය, ගොළුය, බිහිරිය, එබැවින් ඔවුනට (කිසිවක්) අවබෝධ නොවේ.
අල්කුර්ආනය 2-171
(මෙම උපමාව පිලිබදව වැඩිදුර කියවීමට මෙහි Click කරන්න 
)
උපමාව ධාන්‍ය ඇටයකට සමානය.
අල්ලාහ්ගේ මාර්ගයෙහි ඔවුන්ගේ ධනය කැප කරන්නන්ගේ (උපමාව) ධාන්‍ය ඇටයකට සමානය. එයින් කරල් හතක් හට ගනී. එක් කරලකින් ධාන්‍ය ඇට සියයක් ලැබේ. අල්ලාහ් (මෙපරිද්දෙන්) තමාට අභිමත කෙනකුගේ (යහපත් ක්‍රියාවන්ගේ ප්‍රතිඵල) කිහිප ගුණයකින් වැඩි කරයි. අල්ලාහ් සර්ව ව්‍යාපක සර්ව ඥානීද වෙයි.
අල්කුර්ආනය 2-261
උපමාව නම් උස් බිමක පවතින (සාරවත්) උයනක් මෙන්ය
හුදෙක් අල්ලාහ්ගේ ප්‍රසාදයන් පතා තම සිතට එකඟව තමන්ගේම ධනය වියදම් කරන්නන්නගේ උපමාව නම් උස් බිමක පවතින (සාරවත්) උයනක් මෙන්ය. මහ වැසි පතිත වූ විට එහි අස්වැන්න දෙගුණ කරයි. එයට මහ වැසි පතිත නොවුවද පොද වැස්සක් වුවද ප්‍රමාණවත්ය. තවද අල්ලාහ් නුඹලා කරන සියලූ දේ මැනවින් දකී.
අල්කුර්ආනය 2-265
උපමාව සුනඛයකුගේ උපමාවට සමානය.
අපට අභිමත වූයේ නම් අපට ඔහු එමගින් උසස් තත්ත්වයට පත් කරන්නට ඉඩ තිබුණි. නමුත් ඔහු මහපොළොව(ලෞකික ජීවිතය)ට ගැලී තම ආශාවන් අනුගමනය කළේය. එමනිසා ඔහු සඳහා වූ උපමාව සුනඛයකුගේ උපමාවට සමානය. නුඹ ඌ එළවා දැමුවත් ඌ දිව එළියට ඇද දමයි. නුඹ ඌ අතහැර දැමුවත් ඌ දිව එළියට ඇද දමයි. අපගේ ආයාත්-වදන් බොරු යැයි කියන ජනයාගේ උපමාවද මෙය වේ. එබැවින් ඔවුන් මෙනෙහි කරනු පිණිස (පෙර වූවන්ගේ) කථාන්තරය (ඔවුනට) කියා පානු.
අල්කුර්ආනය 7-176
උපමාව අප අහසින් පහළ කළ ජලය බදුය.
නියතවශයෙන්ම මෙලොව ජීවිතයේ උපමාව අප අහසින් පහළ කළ ජලය බදුය. එවිට මුන්ෂ්ය යින් සහ සත්වයින් අනුභව කරන මහපොළොවේ බෝගවර්ග එ සමග මිශ්ර. විය. මහපොළොව එහි සාරය උකහා ගෙන සරුසැර ඵලදාවෙන් විභුෂිත වී, තවද එවායේ අයිතිකරුවෝ නියතවශයෙන්ම ඒවා (ප්රනයෝජනය ගැනීම)ට තමන්ට බලය ඇතැයි සිතා සිටියහ. එවිට රාත්රිනයෙහි හෝ දිවා කාලයෙහි හෝ (හිටි හැටියේම) අපගේ ආඥාව එ වෙත පැමිණියේය. පෙර දින (කිසිවක්) නොතිබුණාත් මෙන් අපි එය ඵල නෙළා ගත් පාලුවක් (බිමක්) බවට පත් කෙළෙමු. මෙනෙහි කරන ජනතාවන් වෙත (අපගේ) ආයාත් අපි මෙසේ පැහැදිලි කෙළෙමු.
අල්කුර්ආනය 10-24
උපමාව අන්ධයා හා බිහිරාටද දකින්නා හා අසන්නාටද සමානය.
මෙම දෙකොටසෙහි උපමාව අන්ධයා හා බිහිරාටද දකින්නා හා අසන්නාටද සමානය. මෙම දෙකොටස එක සමාන වේද? (මේ ගැන) නුඹලා තකන්නේ නැතිද?
අල්කුර්ආනය 11-24
උපමාව, ඒ යටින් දිය දහර ගලා බසී. එහි බොජුන් සදාතනිකය
බියබැතිමත් අයට පොරොන්දුවනු ලැබූ ස්වර්ගයට උපමාව, ඒ යටින් දිය දහර ගලා බසී. එහි බොජුන් සදාතනිකය. එහි සෙවළලුද (සදාතනිකය) බිය බැතිමතුන්ගේ පරමාන්තය එසේය. ප්‍රතික්ෂේප කරන්නන්ගේ පරමාන්තය අපාගින්නය.
අල්කුර්ආනය 13-35
උපමාව: ඔවුන්ගේ ක්‍රියාවන් චණ්ඩ මාරුත සහිත දිනයක සුළඟ හැමූ අළු බඳුය
ඔවුන්ගේ රබ්(පරමාධිපති) ප්‍රතික්ෂේපකළවුනට උපමාව: ඔවුන්ගේ ක්‍රියාවන් චණ්ඩ මාරුත සහිත දිනයක සුළඟ හැමූ අළු බඳුය. ඔවුන් උපයාගත් කිසිම දෑකට ඔවූහු බලනොපාති. ඈත්වූ දුර්මාර්ගය එයයි.
අල්කුර්ආනය 14-18
උපමාව: පිවිතුරු වදන සරු ගසක් මෙනි
අල්ලාහ් කෙසේ උපමාවක් යෙදුවේදැයි නුඹ නොදැක්කෙහිද? පිවිතුරු වදන(කලිමා තය්යිබාව) සරු ගසක් මෙනි. එහි මුල් ස්ථීරව පිහිටියේය. එහි ශාඛා අහසෙහිය. ස්වකීය රබ්(පරමාධිපති)ගේ අවසරය පිට සෑම මොහොතක් පාසාම එය ඵලදරයි. ඔවුන් මෙනෙහිකිරීම පිණිස, ජනයාට අල්ලාහ් උපමාවන් ගෙන හැර දක්වයි.
අල්කුර්ආනය 14-24 සහ 25
උපමාව මහපොළොව මතින් උදුරා දමන ලද නිසරු ගසක් බදුය
කිළිටි වදනට උපමාව මහපොළොව මතින් උදුරා දමන ලද නිසරු ගසක් බදුය. ඊට තිර පැවැත්මක් නැත.
අල්කුර්ආනය 14-26
උපමාව අහසින් පහළ කරන දිය වැනිය.
(නබි මුහම්මද්!) මෙළොව ජීවිතයේ උපමාව ඔවුනට පෙන්වනු. අප එය අහසින් පහළ කරන දිය වැනිය. එවිට පොළොවෙහි ගස්වැල්ද එය උරා ගත්තේය. පසුව එය(ගැස්වල්) සුළගින් ගසාගෙන යන වියළි ඉපනැළි බවට පත්විය. අල්ලාහ් සියලු දෑ කෙරෙහි බලසම්පන්නය.
අල්කුර්ආනය 18-45
මෙවැනි තවත් උපමාවන් මෙහි ඉදිරියට පෙලගසු ලැබේ...
සබැඳි ලිපි මෙහි පහතින් කියවන්න
